前期工作(1)：收樓篇

好開心呀~EC HOME 終於出世啦!!

EC HOME係E先生同C小姐第一次購買既安樂窩. E先生知道C小姐好LIKE OPEN KITCHEN, 所以專登搵左個可以扑牆既單位, 因為要扑牆既關係, 而之前業主係單位既小裝修都要拆哂, 

朋友們知道我地要裝修都好熱情咁介紹師傅俾我地, 最後尊重長輩而決定而家呢個.....



EC HOME面積486呎, 屋仔細細, 所以可以拆可以改動既野唔多. 今次工程要拆左廚房幅牆, 廳同房之間幅牆, 仲有將兩房打通. 

裝修前收樓實況

一入大門口就見到呂字型飯廳及客廳

從客廳望過去廚房入口同飯廳

兩間眼鏡型睡房

古怪的電箱同水閘制擺位。電箱會阻住將來雪櫃的擺位，所以要將電箱向右上移，放入廚櫃內。

睇落好似冇咩問題，但係試想像下右面煮緊野的時候，用星盆就會比較危險

推開廁所假天花可以見到幅牆批得非常厚

呢張相入面全部都係空心磚

可能視覺上會覺得大d, 淋浴間造得非常細小。

另一方面，都係一般舊樓的問題，將熱水爐放在淋浴間內，淋浴間的位置變相細左好多。(雖然熱水爐某程度上防水)

好大個窗台，不過有半截主力牆擋住左

新屋當然要擇個良晨吉日拜四角