開工大吉：清拆篇

呢幅工程圖簡單d黎講即係除左廁所的四面牆之外，其他全部拆晒。
廚房就因為太細，要改開放式。

廁所可能因為視覺上的關係，淋浴間造得特別細，用唔到，所以又係要拆。

睡房因為面積太小，連床都擺唔落，所以都係拆，改通兩間房。

EC Home 都唔係大，但係由於政府收取的泥頭費(建築廢物處置收費)，加上而家裝修需要大，拆呢幾樣野都用左唔少錢。

以下係清拆實況報導：

清拆後的EC HOME望落去大左少少, 望望下發現間屋其實好多對流窗 , 而且間屋又向東, 所以都好好風同埋有陽光射入屋

係EC HOME嘅清拆過程,中有好多泥頭要丟, 仲有好多裝修既廢物, C FU幫手執左好多鋁既垃圾( eg. 窗花, 假天花等等), 都可以賣到幾個錢架~本來E先生都好有興趣拎出去賣, 但C小姐爸爸話太重, 揸車拎出去賣既油費仲貴過賣鋁賺番來的錢, 所以最後都係決定放棄, 交俾C FU去處理> <

上一手業主個C FU真係好馬虎, 個電箱都唔係用螺絲鑲實, 用玻璃膠黏住就算, 所以搖兩下就跌左落來~好差!!

廚房都係清拆到一件不留, 方便設計OPEN KITCHEN

C FU係清拆行動中鋤地板時鋤斷埋D水喉, C小姐爸爸發現業主真係有全部換過曬D水喉, 但好可惜係鋤地板時鋤斷曨, 而且水喉藏於地底好唔安全, 萬一滲水就好麻煩, 因此全部清拆改用明喉

如果想換地板的話，最好都係換埋水喉佢。因為如果水喉係行地台過的話，鏟地板的時候難免會有損傷。一般CFU的做法係斷一截換一截，結果出現大量不必要接駁位，漏水機會自然會增加。

上手個C FU另一馬虎的地方就係電線差唔多全部冇拉過，唯一一條有拉過的電線就係直接收藏係地板下面

浴室全面清拆後, 發現放煤氣爐的位置好細, 由於傳統煤氣爐面積大, 佔用企缸空間比較多, 因此C小姐打算買超薄式煤氣爐, 但價錢比傳統貴一倍呢! 其實超薄式煤氣爐係將一半機身外置外牆, 因此煤氣孔要鑿大D放置機身入牆, 但差價差唔多一倍, 真係要認真考慮!!

拆晒後就開始建造工程喇，門口飯廳會與廚房融為一體，裝設吧台連廚櫃。客廳會加高地台，裝上C小姐最鐘意的和式升降枱，順便增加儲物空間。廁所的企缸太細喇，會加大。睡房會造地台床，又係加多d儲物空間咁。講住咁多先，之後都會逐區同大家詳細介紹﹗