夢想家：門口及廚房

門口要改動嘅野唔多，主要係加兩個天花儲物空間同燈槽。至於食飯就係吧台上面食，又近又就手，食完仲可以即刻拎去洗添。洗衣機因為冇地方收留佢，唯有放係魚缸旁邊，不過魚缸會係整好晒其他野之後先諗。

由於改做開放式廚房，廚房同飯廳已經冇特別嘅分界，所以廚櫃會由廚房一直造到出去門口，當成鞋櫃咁用。爐具會用電磁爐，經過一輪研究，都係決定唔用抽油煙機，直接裝兩把抽氣扇。

另外，門口旁邊嘅牆會裝上茶鏡，增加空間感。星盤旁邊會安裝洗碗碟機。吧台旁邊的枱面好似好大咁，其實放埋電飯煲、麵包機等電器之後都唔知夠唔夠位。牆身已經預留網線及電視天線插位，方便加裝顯示屏上網。