建材家私：淘寶篇

上網見到有d c兄c姐上淘寶買建材家私，EC當然都唔會執輸啦。結果淘到一個浴淋同埋全屋燈制。 由於燈制冇咁快用到住，所以先買浴淋。
 

睇過幾種俾錢嘅方法，發現去7仔買淘點係最平嘅。雖然唔俾碌卡八達通，不過MTR車站7仔都照送MTR CLUB積分卡^^

買完淘點就跟住張單上面嘅網址入返段code就得。

跟住好順利咁落單俾錢發貨，之後就梗係坐定定係屋企等收貨啦。點知收貨嗰日間物流公司無啦啦打電話黎，話住宅區加$32先送。咁好啦，橫掂有車就揸車去自取。去到見到件貨先知中了伏……

個淋浴花灑真係包得好好，仲有木條釘住添。不過好可惜E先生揸嗰架唔係貨車，放唔落。

就惟有即場拆盒，好在拆完盒之後再拆埋後排櫈都勉強放得落。 下次上淘寶買野真係要睇清楚先 ><