建材家私：深圳篇

係扑鎚買EC HOME到收樓既短短兩個月, E 先生同C小姐四出爬文, 發現好多C兄C姐都係上大陸兩個地方買料, 田貝四路&寶安北路, 就係貪佢比香港成半, 同埋好多香港C FU都係係果度入貨,.



由於Budget所限, E先生同C小姐分別用左兩日去呢兩個地方望下:
寶安北路, 田貝四路

寶安北路

主要去睇下百安居(B&Q)同其他裝修材料舖, 發現價錢係平(部分達香港的價錢), 款式係多, 但係款式比較普通, 唔係C小姐杯茶, 百安居(B&Q)地方係好大, 但d野材料同傢私既價錢唔arm心水。

點去?

檢視較大的地圖
一係搭巴士(我冇搭過唔知點搭...), 一係就好似我地咁由羅湖搭的士,印象中唔過RMB30 (附近好多個地鐵站, 但冇個近)

田貝四路

係朋友帶路下, 去左四合居行, 果度分左四層, 每層都分左賣唔同既野. 四合居係比較多香港人去買裝修材料既地方, 所以款式多而唔會太out(好似旺角d款), 亦都係因為甘, 所以睇中左好多裝修材料, 價錢又唔貴, 可以講下價, 因此決定係呢度買曬全屋既磚, 因為價錢同香港差一半!!!!! 所以今次都係重點介紹田貝四路

點去?

檢視較大的地圖

呢個就簡單得多，兩個路線：

• 路線 1 (建議路線)

1. 羅湖過關後坐深圳地鐵
2. 罗宝线 机场东方向 到 老街站
3. 轉乘 龙岗线 双龙方向
4. 田贝站 下車
5. C出口： 田贝四路 向前步行5分鐘即可到達

•   路線 2

1.  落馬洲過關後福田口岸站坐深圳地鐵
2. 龙华线清湖方向到少年宫站
3.  轉乘龙岗线双龙方向
4. 田贝站下車
5. C出口： 田贝四路 向前步行5分鐘即可到達

出站後往前直行見到斑馬線就過馬路，跟住見到小學，再相同方向一直行

沿途都有唔少同裝修有關的店鋪

行5分鐘到就會見到家合居架喇

再行前d就會有一條街賣比較國內化的建材，當然價錢也會比較國內化，但未必啱香港人口味同符合香港人諗法，所以都我哋都係決定去家合居一站式搞掂。

家合居有5層，開左的只有4層， 由4至地下分別賣燈飾、窗簾、廚櫃、浴室用具、磁磚等。如果諗住一次過睇晒咁多野，可以預2-3個鐘頭到。嗰度有唔少啱香港人口味嘅建材，不過如果想慳時間嘅話建議大家可以先上網睇定或者去太子睇一次先。總括黎講，大陸嘅款式較香港為多，亦都較新。

部分鋪頭都俾你影相嘅，不過當然要問過人先啦

睇到呢度你或者會想問係個度買嘅家私點運落黎？當然唔擔心啦，每間鋪都可以幫你安排運輸到香港。甚至可以叫幾間鋪夾定將不同店不同貨同一車送落黎。 不過要留意，送貨係自費項目，以重量單位“噸”計算，離島同貨車去唔島都唔駛諗。不過送貨都只係送到屋企樓下附近有車路嘅地方，上樓要再加錢。 另外，如果唔多上大陸買野就要留意，佢地嘅買賣方式係預左你會講價，所以先開高價，然後到你扑搥的時候再講價，所以如果對方個價唔係太離譜的話，可以先叫對方寫低資料，唔駛急於講價。