全屋磁磚

EC Home 筆直有限，所以係每個地方慳得一蚊得一蚊。
最近C小姐朋友新屋裝修，朋友全屋磁磚用大陸磁磚，佢話又平又靚，同意大利磚差小小。開頭C小姐都唔信，但眼見朋友裝修好後又唔錯，加上係網上爬過師兄師姐d文，都話大陸磚唔太差，所以決定上大陸睇下格下價。

C小姐係朋友帶領下，去左田貝四路家合居選購磁磚。家合居二樓成條走廊都係賣磁磚，專賣馬賽克石嘅都有四五間，令C小姐花多眼亂。最後C小姐揀左其中一間舖最齊，有晒C小姐合心意嘅。磁磚舖記錄C小姐嘅選擇，就俾左張卡片C小姐帶返香港。E先生亦都唔執係間舖裡面

某一天，E先生同C小姐出左去旺角睇磚，有賣大陸磚同意大利磚嘅舖。首先，蒲入意大利磚舖，搵番自己心水靚磚，貴到2個人嘩嘩聲，塊塊1XX起><，睇左兩間貴野再去睇下賣大陸磚舖頭，價錢正常少少，地磚一塊8X,其他普通款都要5X。職員不停游說C小姐話係自己大陸靚料，自己有廠等等…不過E先生拎完卡片同價錢就極速閃人，番去同大陸磚進行比較!!!

全屋磁磚: 地磚
先由門口講起，一入屋果塊12星座銀色磚係E先生同C小姐上大陸買磚時第一眼見得的， 一見鐘情，甘啱E先生一路都想買塊特色磚放係一入門口個位，呢塊磚真係fit曬^^經過C小姐格價+講價後，發電都係家合居最抵，¥450一塊，。淘寶未計運費都要¥6XX,香港唔駛港啦$12XX~

全屋地板
我地都是係用同一隻磚~防滑白磚2X2。呢隻磚雖然係光面，不過防滑功能都唔錯，加上C小姐參考裝修單位都係用呢種白磚，所以都幾滿意~唯一一個缺點就係地面太白，一污糟少少就好覺，要好勤力甘做阿四=_=

廚房磚

廚房我地用左兩款唔同嘅磚，分別係紙皮石同米白色磚1X2 紙皮石 紙皮石係全屋最貴的， 料貴，人工又貴，但無奈C小姐勁like,所以最終都係買左來整。紙皮石係好似馬賽克果d甘，磚底無黏係網上面，俾c fu 文上牆，唔係逐塊逐塊黏都黏到天光。手工貴係因為c fu話紙皮石難黏同用好多時間去整，所以比較貴。 米白色磚1X2 因為要配合紙皮石，所以E先生選購左呢隻有好少凹凸紋米白色磚，呢隻磚colour幾舒服，最重要係平!!!!而且配埋黑色廚櫃應該唔錯~ 小插曲:因為廚房會裝廚櫃，所以有d地方會係見唔到人， C小姐想慳d，就同度尺個c fu講見唔到人果d全部用平磚。點知，舖磚時就賴曬野，c fu話紙皮石同米白磚厚度唔一樣， 一幅牆唔可以舖兩隻磚，所以變左紙皮石唔夠，要再多訂一箱一塊紙皮石價錢係米白磚3倍，因此，over budget左0.0但最後發現c fu舖完有幾塊用剩…唉…浪費!!

浴室
浴室係E先生最like嘅地方，所以成個浴室嘅design同idea都係出自E先生手筆~E先生一直對台灣花蓮觀月民宿個廁浴室念念不忘，最後臨走都影返張相留作dream house之用，而家就係用得著嘅機會啦。灰色牆身配銀灰色的馬賽克腰線，令成個浴室high左好多，最重要係污糟左唔太覺~嘻嘻!!

客廳文化磚

最後一幅就係客廳文化磚。本身C小姐想成屋貼牆紙，但經過同好多同事甲乙丙傾過後都係決定油油，唔貼牆紙。但其實C小姐一直都好想貼一款牆紙，就係印有一塊一塊白色磚嘅牆紙。N年前，C小姐鋼琴老師屋企都係用呢隻牆紙，真係好grand，所以C小姐一路記住到而家間dream house一定要用。但貼牆紙有一個問題，就係如果c fu手工差的過，幾年後就會起泡或甩番出來，為免令C小姐失望，E先生就提意舖白色文化磚，一樣甘grand，仲有立體感添~ 舖文化磚好考c fu功力，因為佢要製造3d效果，因此舖時亦要加錢，不過E先生為駁紅顏一笑，都抵啦^^

開工大吉：鋁窗

原本的鋁窗睇落都用左幾廿年，加上EC Home近窗位置會裝唔小嘅木制家具，所以為免得不償失都係叫C FU報個價換左佢.....

開工大吉：冷氣篇

經過千辛萬苦，終於去到裝冷氣的時刻。EC Home裝的是分體式冷氣機，雖然已經一早決定好，但是到最後總有變數。 C FU在搭棚裝鋁窗的前一刻才告訴我們應該去買冷氣機> <。

夢想家：浴室篇

浴室係全屋唯一一間沒有被拆去的房間，因為EC深深明白浴室是一天最重要嘅地方，所以EC HOME嘅浴室會加入唔少花巧野。浴室會以灰色磁磚為主，再配閃爍馬賽克腰綫。

建材家私：淘寶篇

上網見到有d c兄c姐上淘寶買建材家私，EC當然都唔會執輸啦。結果淘到一個浴淋同埋全屋燈制。 由於燈制冇咁快用到住，所以先買浴淋。
 

建材家私：深圳篇

係扑鎚買EC HOME到收樓既短短兩個月, E 先生同C小姐四出爬文, 發現好多C兄C姐都係上大陸兩個地方買料, 田貝四路&寶安北路, 就係貪佢比香港成半, 同埋好多香港C FU都係係果度入貨,.

夢想家：門口及廚房

開工大吉：清拆篇

呢幅工程圖簡單d黎講即係除左廁所的四面牆之外，其他全部拆晒。
廚房就因為太細，要改開放式。

廁所可能因為視覺上的關係，淋浴間造得特別細，用唔到，所以又係要拆。

睡房因為面積太小，連床都擺唔落，所以都係拆，改通兩間房。

EC Home 都唔係大，但係由於政府收取的泥頭費(建築廢物處置收費)，加上而家裝修需要大，拆呢幾樣野都用左唔少錢。

以下係清拆實況報導：

前期工作(1)：收樓篇

好開心呀~EC HOME 終於出世啦!!

EC HOME係E先生同C小姐第一次購買既安樂窩. E先生知道C小姐好LIKE OPEN KITCHEN, 所以專登搵左個可以扑牆既單位, 因為要扑牆既關係, 而之前業主係單位既小裝修都要拆哂, 

朋友們知道我地要裝修都好熱情咁介紹師傅俾我地, 最後尊重長輩而決定而家呢個.....